Ég fór út í búð í dag. Eins og ég geri oft. Renndi augum yfir fiskborðið eins og vanalega, í minni endalausu og örvæntingafullu leit að ætum fisk....

Og ég fann þorsk!!!! Í fyrsta skipti síðan að ég kom til Finnlands... Vá hvað ég var hamingjusöm, kjúklingurinn sem átti að fara í kjúklingapastað í kvöld hoppaði bara beinustu leið inn í frysti.

Svo fór ég heim, tók mig smá tíma að reyna að muna hvernig ætti nú að elda þetta. En ég mundi það á endanum og í matinn var sko hágæða steiktur þorskur nákvæmlega eins og Jónína í Tungu gerir hann, því mér finnst það best (ekkert móðgast amma og mamma (og pabbi), ykkar er líka mjög fínn!!) 

Flökin voru frekar lítil, þunn og asnaleg samt fannst mér og ég hafði miklar áhyggjur af því að þetta væri kannski bara eitthvað úldið.... En það var ekki og núna er líkaminn minn örugglega hoppandi hamingjusamur að hafa loksins fengið eitthvað annað en svínakjöt og kjúkling....

Það er víst eiginlega alveg vonlaust að finna Ýsu hérna þannig að ég held að ég sleppi því bara, enda ekkert góð nema með ömmu rúgbrauði og alvöru hamsatólg. Eero myndi líka ekki vera hamingjusamur með lyktina af tólginni.... híhí...

Ég tók líka eftir því í gær með saltkjötið að ég fór aðeins út og þegar að ég kom aftur inn var fitubrælan svo ógeðsleg að ég fékk bara hausverk.... Eero fékk líka hausverk.... og ég endaði upp í sófa, hrikalega flökurt. Hef enga ástæðu fyrir því nema allri saltkjötsfitunni sem að ég borðaði... úfff *hrollur*

Maður þolir bara ekki svona mat nema borða þetta oftar...

Það er ekkert í sjónvarpinu og Eero er að vinna og ég er búin að lesa allt sem mér dettur í hug að lesa á netinu.... Og ég á engar bækur og eiginlega bara búin að éta öll nýju tímaritin mín.... Eða svoleiðis... Mér leiðist alveg ógurlega! En ég er samt rosa sterk! Engin heimþrá, ekkert væl!

Vil svo bara óska öllum sem að eru að fara til útlanda góðrar ferðar og góðrar skemmtunar!!! Ég er svo heppin að þurfa ekkert að fara til útlanda, því að ég bý þar! (Stundum þegar að mér líður skringilega þá ímynda ég mér bara að ég sé í skemmtiferð í útlöndum og fer að skoða einhverjar búðir, í þykjustunni verslunarleiðangri, það virkar mjög vel, sérstaklega þegar að það er gott veður....)

 Góða helgi

Þórunn

Ég veit að ég er alltaf að skipta um lit á þessu bloggi en það er bara svo leiðinlegt að hafa alltaf sama. Svo er líka erfitt að finna eitthvað sem mér líkar nógu og vel við. ALLAVEGA NÚNA ER PÁSKAÞEMI.

Ég skrópaði í skólanum í dag, hahaha, mér er alveg sama, ég er allt of gáfuð fyrir þetta lið hvort sem er. Svo leið mér illa í nótt, varð svo heitt að ég hélt ég ætlaði að kafna á meðan að Eero varð ískalt ef að hann var ekki með sæng. Svo var mér illt í maganum, svo illt að ég gat ekki hreyft mig svo ofan á allt þá dreymdi mig þvílíka sýrudrauma og grét og grét, ég hef bara aldrei grátið eins mikið í draumi (ég veit ekkert hvort að ég grét í alvörunni, en allavega í draumnum)

Þegar að sólin kom.... þá kom allt rykið með henni!!!! Íbúðin var bara gersamlega grá! En ég var dugleg og þurkaði allt rykið í burtu, næst þarf ég að ryksuga.... Aaargh, af hverju er svona mikið vesen að halda hjá sér hreinu alltaf!

Svo er ég líka í smá vandræðum. Ég veit ekkert hvað ég á að gera við óhreinar tuskur, það kostar 200 kall að þvo í risastóru þvottavélinni niðrí kjallara og ég tími ekki að þvo nema að það sé full vél. Og það myndi sennilega taka svona 1 ár að fylla vélina af tuskum.....

Svo veit ég heldur ekkert hvar ég á að geyma þær þangað til að ég get þvegið þær.

Það er voða fínt veður eins og venjulega. Eftir að aloe vera plantan mín lést hafa hin tvö blómin mín orðið ansi veikluleg og þau eru bæði við það að drepast. En mér er samt eiginlega alveg sama. Frekar ljót og leiðinleg blóm bara! Fæ mér bara gerfiblóm í staðinn, þó að ég megi aldrei gera það án þess að Eero finnist þau OF gerfileg alltaf. 

Ég er að sjóða saltkjöt lallalallala, finnst hálf fúlt að þurfa að deila því samt sko..... 

AH ! Núna man ég af hverju ég þurfti að blogga. Mig langar í uppskrift að : 

Kanelsnúðum,

brúnni sósu með lambahrygg 

eldunarleiðbeiningum að lambahrygg

og kannski einhverju fleira sem er sniðugt að elda/baka um páskana....

Adios!

Þórunn

Það eru að koma páskar... Og ég þarf í fyrsta sinn á ævinni að halda páskana sjálf. Eero er ekki mikill hátíðarmaður og ég veit í raun og veru ekkert hvað ég á að gera....

Ég veit heldur ekkert hvort ég á eða þarf að elda páskamat. Ég hef ekki hugmynd um hvort að amman ætli að bjóða okkur í mat eða ekki. Ég spurði hana um daginn hvort að móðursystir Eeros og dætur hennar komi um páskana en hún vissi það ekki einu sinni sjálf.

Ég keypti smá páskaskraut í dag. En ég veit ekkert hvar ég á að setja það. Ég veit heldur ekkert hvenær ég á að setja það upp!!

Mig langar í svona greinar til að hengja dóterí á, en ég veit ekki hvar á að fá svoleiðis og ekki Eero heldur..... Hann byrjaði bara að bulla eitthvað þegar að ég spurði hann.

-------------------------------

Í dag finnst mér ég vera svo ógeðslega feit og ógeðsleg að ég er að brjálast stundum !

Ég held aldrei að ég sé jafn feit og ég er fyrr en að ég er td að labba út á götu og sé spegilmynd mína í búðargluggunum.

Í dag vorum við úti að labba og ég asnaðist til að kíkja og eftir það varð bara allt svart fyrir augunum á mér og ég heyrði ekki orð af því sem að Eero var að tala um. Eina sem komst að í hausnum á mér var hvað ég væri feit.

Sem ég skil bara ekki, mér finnst ég hafa fitnað stórlega síðan bara um jólin.....

Sem er mjög óréttlátt, því að núna í fyrsta skipti í langann tíma er ég farin að hreyfa mig af viti og minnka stórlega alla gosdrykkju og skyndibitafæði.

Ég drekk bara gos um helgar og ekki mikið, drekk ekki einu sinni djús á virkum dögum nema einstaka einstaka sinnum og þá eru það oftast einhverjir glæsilegustu ávaxtadjúsar fullir af vítamínum.

Ég labba á hverjum morgni rösklega í skólann og heim aftur. Passa mig á því að labba frekar hratt, ekki bara dóla mér....

Ég borða ekkert öðruvísi mat, bara svona venjulegann...

Mér datt í hug að athuga hvort að það væru þá bara einhverjir líkamsræktar tímar í boði, en það er mjög erfitt því að ég get ekki leitað sjálf og ef ég kæmist inn í eitthvað svoleiðis þá myndi ég ekki skilja orð af því sem þjálfarinn myndi segja.

Ég er búin að spurja Eero 3svar í þessari viku hvort að hann geti athugað þetta, hann segir alltaf já en gerir svo ekki neitt.

Ég spurði ítarlegar í dag og hann fór bara að tala um að ég gæti bara fengið mér kort í líkamsræktarstöð og unnið þar á mínum eigin hraða að eigin vild EN ég veit vel að það á pottþétt eftir að enda með því að ég fer bara ekki neitt.

Ég hef bara nákvæmlega enga sjálfsstjórn þegar að kemur að svona löguðu og það þýðir ekkert að segja mér að ég eigi bara að taka mig á og gera þetta.

Það eina sem ég vil er bara að komast í einhverja erobikk tíma, kannski tvisvar í viku, helst með öðrum fituklessum eins og mér sem að allar vilja grenna sig svolítið. Klukkutími til einn og hálfur tíminn, í sturtu og heim. Ekkert annað. það er það eina sem ég myndi KANNSKI haldast út í.

Stundum er allt svo erfitt í útlöndum. *vælvæl* ég veit.

En ég er allavega hraust og oftast hamingjusöm! Sem skiptir vonandi mestu máli.

Samt ofan á allt þetta á ég ekki krónu og hef hvort sem er ekkert efni á að fara í svona.

Mig langar líka svoooo mikið í að gera eitthvað ótrúlega sjálfselskt, bara fyrir sjálfa mig stundum. Vildi óska þess að ég ætti fullt af peningum í einn dag. Ég myndi láta klippa á mér hárið og lita (sem hefur ekki verið gert í hálft ár ) , fara kannski í nudd eða andlitsbað eða eitthvað svona sniðugt Og ef ég væri á Íslandi myndi ég skella mér á 1 stykki fín föt, gera mig eins sæta og ég mögulega gæti og farið á djammið með vinkonum mínum.

Ah en allavega ! Það kemur nýr dagur á morgun. Örugglega fínn dagur, þó að ég verði reyndar sama fituklessan

Þórunn

Ps. Ég get sko EKKI farið út að hlaupa, bara sorrý. Að hlaupa er einfaldlega hlutur sem að ég get ekki. Ekki frekar en að ég get teiknað vel eða talað japönsku.

Pps. Um næstu helgi er vinur hans Eeros að koma í heimsókn, hann ætlar að gista eina nótt og borða hjá okkur um kvöldið. Mér líkar mjög vel við hann og er mjög ánægð með það að fá gest, svona til tilbreytingar

OOH ÉG ÞOLI EKKI ÞETTA BLOGG, LITIRNIR OG FONTIÐ VILL ALDREI HALDAST EINS OG ÉG VIL HAFA ÞAÐ.... 

Meiri finnska.

Gleymdi að segja eitt sem er mjög mikilvægt að bera rétt fram í Finnsku....

"Minä tapaan sinut" - Ég hitti þig

"Minä tapan sinut" - Ég drep þig

Smá innsýn í Finnsku

Tänään hän ei tule

Tänään hän tulee

Tänään hän ei tulle

Tänään hän tullee

Tänään ei tuule

Tänään tuulee

Tänään ei tuulle

Tänään tuullee

Hvert einasta feitletraða orð hefur mismunandi merkingu. Og við erum alltaf sett í hlustunaræfingar með þetta og það er fáránlega erfitt stundum að heyra muninn á þessu.

Fleiri dæmi:

Tulli-Tuuli-Tuli

Kato-Katto-Kaato

Kukaan-kuukaan-kukkaan

pullaa-pulaa-pulla

Þetta er samt ekki erfiðasti parturinn af tungumálinu....

 EDIT: HAHAHAHAHHAHAHAHAHA Á finnsku er til orð sem er einfaldlega "FINNI" og það þýðir graftrarbóla AHAHAHAHHAHAHAHA. 

Ég biðst afsökunar á ljótu orðbragði og jafnvel neikvæðni í þessu bloggi þó ég biðji lesendur um að taka þessu ekkert alvarlega. Smá kaldhæðni í gangi, en ég átti einn ömurlegasta "skóladag" í langann tíma í dag. Kannski var það bara vegna þess að ég er of skapstór.... en allavega:

Í dag var ekki venjulegur skóladagur heldur fórum við á stað þar sem að heimilisfræði er kennd og konur hittast til að elda og prjóna og fleira.

Þar var planið að kenna okkur að elda finnskann mat.

Nú, ég var búin að hlakka svolítið til að fara þangað, en það varð frekar lítið úr þeirri tilhlökkun þegar á staðinn var komið.

Fyrst vorum við öll sett við borð og konan sem sá um staðinn spurði okkur öll hvaðan við værum og svo framvegis. Reyndar varð hún mjög hissa að ég væri frá Íslandi og sagði, eins og ég hef svo oft heyrt áður, að ég væri fyrsta íslenska manneskjan til að koma þangað. Allt í góðu með það. Svo fór hún að sýna okkur einhverjar glærur og þurfti að útskýra hvert einasta orð: ÞETTA ER HANDÞEYTARI, MAÐUR NOTAR HANN TIL AÐ ÞEYTA SVONA RJÓMA, ÞAÐ ER LÍKA HÆGT MEÐ VENJULEGUM ÞEYTARA EN ÞETTA ER MIKLU AUÐVELDARA....

Og svona hélt þetta áfram.... sigti, matvinnsluvél, kökukefli og svo framvegis. Ég var orðin pínu pirruð, allt í lagi að læra finnsku orðin, en ég er ekki heimsk og ég kann alveg að nota svona tæki.

Nú næst kom að því að skipta okkur í hópa, hún setti alla í hóp. Nema mig, ég var víst ekki eftirminnilegri en það að hún einfaldlega hoppaði yfir mig þegar að hún var að skipta í hópa. Frábært. En ég fór svo í hóp með einni Thaílenskri stelpu og okkar verkefni var að baka smákökur með marmelaði í miðjunni. Kölluð sultuaugu.

Ekkert mál með það, við tvær fórum á okkar stað, ég greip öll hráefnin á örskömmum tíma, las yfir uppskriftina. Við skelltum í deig á augabragði og áður en ég vissi af þá vorum við búnar að vera svo duglegar að við vorum búnar að gera deigið, rúlla því öllu upp í litlar kúlur, búa til "augu" á allar kúlurnar (með því að pota ofan í þær) og setja mjög fallega marmelaði ofan í. Ekki nóg með það heldur þá gengum við frá öllu eftir okkur og þrifum vel og vandlega okkar borð.

Ég leit svo yfir hópinn og flestir voru bara að labba um sjálfan sig og detta um aðra, ráfandi í hringi, tautandi eða gargandi á hvaða tungumáli sem var. Allir þurftu hjálp og enginn gat gert neitt. Bölvaðir vitleysingar (afsakið orðbragðið)

Kennarinn okkar (ekki konan sem sá um staðinn) gekk á milli hópa eins og fljótandi gufa og talaði allavega aldrei við mig eða minn félaga. En það var allt í lagi, við vorum svo ótrúlega gáfaðar og duglegar!

En hver voru svo verðlaunin fyrir að vera lang duglegastar og gáfaðastar? Ó jú, af því að við höfðum klárað fyrst, þá þurftum við að leggja á borð. Fyrir alla. Og við leystum það hratt og vel af hendi með frábærri samvinnu. Diskar, bollar, glös, servíettur, hnífapör og fleira og fleira fuku á borðið, hratt og vel og vandlega, allt var mjög fínt. Svo röðuðum við stólunum, löguðum til dúkana og pössuðum að kertastjakarnir væru ekki á hallærislegum stöðum á borðinu.

Á meðan að allir hinir bjánarnir voru ennþá eins og einhverskonar heilalausir klessubílar, unnu sitt verk svosem en hægt og asnalega.

Nú! Af því að leiðinlega kellingin sem sá um staðinn sá að ég var ekki að gera neitt, því að ég hafði verið svo ótrúlega dugleg að klára af tvö verkefni vel og vandlega. Þá fékk ég þau ÆÐISLEGU verðlaun, að mér var skipað að standa við vaskinn og þvo alla HELVÍTIS diskana og skálarnar og ALLT!!!!!

Djöfull varð ég pirruð.

Sérstaklega þar sem að hún hafði sagt í byrjun tímans að REFSINGIN fyrir þá sem að voguðu sér að tala annað tungumál en finnsku þarna inni væri sú að vaska upp. Og ég hafði ekki sagt orð á neinu öðru tungumáli en finnsku á meðan að allir rússarnir og nokkrar Thai kellingar voru hneggjandi og vælandi á sínu eigin tungumáli.

Ég bara vaskaði upp og setti í helvítis uppþvottavélina eins og mér var skipað, svo komu fullt af einhverjum rússum og þurftu að nota vaskinn og ráku mig í burtu, þannig að ég fór aðeins fram. En um leið og rússarnir yfirgáfu vaskinn og kellingarálkan sá að það var enginn í uppvaskinu fór hún að arga og garga út um allt herbergi hvar ég væri og skipaði mér aftur í fokkings (afsakið orðbragðið) uppvaskið.

Nú svo kláraði ég það bara og fór og tyllti mér á stól frammi. En vildi þá ekki svo óheppilega til að 5 mínútum seinna voru smákökurnar tilbúnar úr ofninum og Thai stelpan sem að hafði verið félagi minn í að baka þær og kellingarálkan stóðu eins og ráðvilltar hænur yfir plötunni með kökunum og kökudisk. Og aftur þurfti kellingin að garga hvar ég væri og allir nemendurnir í herberginu bentu á mig. Já þær voru nefnilega svo hrikalega heimskar að þær gátu ekki drullast til að setja helvítis smákökurnar á fatið sjálfar, af því að ég hafði verið með í að búa þær til, þá var sniðugra að setja á svið svaka "scene" eins og ég væri bara einhver letibykkja að fela mig út í horni, öskra eins og ljón nafnið mitt og skipa mér að setja kökurnar á fatið.

Vá, ég hélt ég myndi springa af reiði þarna. Og þá var ekki allt búið, þá átti eftir að éta allann matinn og það tók nú sinn tíma. Ég borðaði ekki neitt, ég var of reið til þess en reyndi að láta ekki á neinu bera. En svo þegar að allir voru búinir að éta og kellingarálkan var bara að draga tímann endalaust í að gera ekki neitt (mig langaði bara HEIM) og var á endanum farin að láta einhverja rússneska kerlingu syngja lög á rússnesku sem mér fannst bara ekkert viðeigandi í finnskum heimilisfræðitíma, þá langaði mig mest að standa upp og strunsa heim.

En ég beið þangað til að allir hinir fóru að ganga frá. Ég tók helling af borðinu og setti í ruslið, en um leið og einhverjar kellingar fóru út að reykja, þá laumaði ég mér með þeim út og bókstaflega hljóp heim.

Já, þetta eru verðlaunin fyrir að vera duglegur í finnlandi. Fá endalaus ný og leiðinleg verkefni. Ég ætla framvegis alltaf að vera hundlöt og til einskis nýt.

Jæja! Muna það að hringja sig inn veika í næsta heimilisfræði tíma! Eða bara mæta, stela uppskriftunum og fara heim

Kveðja

Þórunn  

Ps. ég bara virkilega virkilega virkilega hata uppvask og ég var sú eina sem að var að gera eitthvað þarna á meðan að hinir voru bara að láta eins og fífl. Og mér var ekki einu sinni hrósað, heldur bara skipað að gera meira og meira eins og einhver þræll 

Ég komst að því að í Finnlandi er engin kona neitt nema hún hafi verið Ungfrú Finnland einhverntíman á ævinni. Það er alveg sama hvaða sjónvarpsfréttamaður, kynnir, íþróttamaður, söngvari, umsjónarmaður með hinum og þessum unglinga, barna eða fullorðins þætti. Skiptir Engu máli. Alltaf eru þetta fyrrum ungfrú Finnland. Meira að segja nokkrar konur í pólítík hafa verið í þeirri keppni, þó að Eero benti reyndar á að þær hefðu verið gáfaðar. 

Eina undantekningin sem ég veit um er forseti Finnlands. Það er ekki nokkur leið að hún hafi komið nálægt neinni fegurðarsamkeppni....

Fyrir nokkrum vikum horfði ég á keppnina um Fröken Finnland og ég hef aldrei eins séð eins hræðilega fegurðarsamkeppni, þó að þær séu nú reyndar allar hallærislegar með eindæmum þá var þetta alveg sérstaklega vandræðalegt. 

Stelpurnar stóðu þarna allar í röð, hálf naktar, eintómir gamlir kallar og kellingar í jakkafötum að horfa á. Haldið í pínulitlum sal, tónlistin var viðbjóðsleg, engin skemmtiatriði, allavega engin "skemmtileg" skemmtiatriði. 

Svo trítluðu þær þarna ein á fætur annarri á meðan að kynnirinn sagði hvað þær hétu, hvað þær væru gamlar, hversu þungar og stórar þær væru og sagði svo brjósta og mittismál þeirra allra.....

Svo þegar að var komið að "galakjóla" framkomunni, þá voru þær allar í ógeðslegum sérsaumuðum kjólum fyrir keppnina, hengu utaná þeim eins og pokar úr einhverju gljáandi gerfiefni, allir skær gulir, grænir eða rauðir, allir eins.

Minnti mig helst á einhverja hrútasýningu.

Annars er allt fínt að frétta nema það að ég þjáist af óútskýranlegri þreytu, ég er bara alltaf syfjuð já SYFJUÐ ekkert sérlega þreytt svosem... Ég vaknaði reyndar snemma alla helgina og labbaði til ömmunar til að fara út með hundana og svo aftur seinna um daginn. Á Föstudagskvöldið sofnaði ég klukkan 23 en á Laugardagskvöldið tók ég húsið algerlega í gegn og tók til, vaskaði upp og þreif eins og vitleysingur, var reyndar löt fyrr um kvöldið þannig að þetta tók alveg til miðnættis. Svo á sunnudaginn vorum við allann daginn á steinasýningu og það er bara eitthvað virkilega mikið að mér í fótunum. Mig verkjar stanslaust í þá ef að ég þarf að standa lengi eða labba hægt eins og á svona sýningu og mér er ennþá illt.

Ég veit vel að ég er of þung, en ég hef samt alltaf verið svona, ég man þegar að ég var að vinna í sjoppu þá gat ég varla labbað heim eftir vakt á kvöldin mér var svo illt í kálfunum.

Mér finnst ég líka mjög oft hafa verið svona syfjuð og ómöguleg, illt í fótunum og fleira og ég hef farið til læknis út af þessu, oftar en einu sinni og oftar en tvisvar en það er aldrei neitt að mér og ég fæ ekki einusinni neinar ráðleggingar....

Ég skil þetta ekki Svo er ég alltaf svo syfjuð eftir skóla að annaðhvort þarf ég að láta það eftir mér að leggja mig eða pína mig til að vera vakandi, með tilheyrandi svima og hálfgerðu rænuleysi af syfju.

Ég gæfi allt fyrir að komast í heitt bað til að slaka á í fótunum en ég á ekkert baðkar. Hvarflaði að mér að fara í heitan pott... En nei, í Lahti er sundlaug, stór sundlaug með köldu vatni til að SYNDA í, engin rennibraut, engir heitir pottar, engin buslulaug..... Mikið sakna ég Íslands... 

Svo ofan á allt þetta syfjuleysi þá kemur það að það skiptir engu máli hvenær að ég fer í rúmið, ég bara sofna ekki. Eero leggst og er steinsofnaður eftir 5 til 10 mínútur, en það tekur mig svona 1 til 2 klukkutíma að sofna, sama hvað ég er þreytt. Svo vil ég ekki eyða öllu kvöldinu upp í rúmi til að reyna að sofna fyrr... Því að mér finnst kvöldin góð og skemmtileg og leiðinlegt að eyða þeim öllum í að pína sig upp í rúmi til að sofa.

já! Ég ætla nú ekkert að kvarta meira sko    Ég er bara svo hissa á þessu öllu saman og hef engann til að tala um þetta við.... Eero sagði mér að taka vítamín, ætli ég reyni það ekki. 

En ég er farin að horfa á sjónvarpið.

Kveðja Þórunn

Ég var ógeðslega dugleg og vaknaði klukkan 9 í morgun, en það skipti engu máli því að klukkan var nú þegar orðin 10 

Bara að láta vita að það er kominn sumartími í Finnlandi. Núna er þriggja klukkustunda mismunur á tímanum hérna og heima.

Þetta eru semsagt þessar Piirakka. (sjá blogg fyrir neðan)

Svona bökur. Aðaluppistaðan í botninum er rúgmjöl, svo er einhverskonar grjónabúðingur settur ofaní. Þær eru ekki sætar.

Þær eru borðaðar með smjöri, osti, skinku en oftast eru þær borðaðar með eggjasmjöri. Þá eru soðin egg stöppuð út í smjör. Þær eru líka borðaðar heitar. Persónulega þá finnst mér þetta ekkert rosalega gott, en ég get borðað þær, bara ekki með neinu eggjasmjöri eða neinu (Ég var einusinni látin smakka það og ég gubbaði næstum því)

Getur vel verið að svona bökur hafi sést oft á Íslandi! Ég hef þá bara ekkert tekið eftir því!

Þórunn

Ég er komin með vinnu, eða svoleiðis. Hún er reyndar ólaunuð og var í gær, í dag og verður á morgun.

Launin eru félagsskapur, "fjölskyldustund" og finnskuæfing.

Mamma hans Eeros hringdi í mig á Fimmtudaginn vegna þess að "kærastinn" hennar var að eignast barnabarn og þau fóru að sjá það um helgina. Og þar sem að Eero er að vinna alla helgina þá er "enginn" til að hjálpa ömmu að fara út með hundana.

Þannig að ég tók það að sjálfsögðu að mér! Og er núna búin að fara 3svar heim til hennar og við förum saman út með alla 3 hundana og spjöllum saman á.... tja svona finnsku og hún hefur lært smá ensku og notar hana stundum pínu. Ég skil bara helling! Samt koma tímar þar sem að ég brosi bara og kinka kolli, það er svo oft þannig að ég veit um hvað er verið að tala um, en ég næ ekki að skilja fullkomlega.

Við erum held ég bara báðar hæstánægðar með þetta. Á morgun förum við vonandi, ég, Eero og amma á steinaskartgripasýningu sem er haldin einhverstaðar rétt fyrir utan Lahti. Það verður rosa fínt! Ég vona bara að það standist. Ég hef tekið eftir því í Finnlandi að oft talar fólk um að fara hitt og þetta, gera hitt og þetta, fá einhvern í heimsókn, fara eitthvert í heimsókn og fleira og fleira en svo gerist það bara aldrei. Það er virkilega, virkilega óþolandi.

Reyndar fékk ég smá laun fyrir að hjálpa! Amman gaf mér fullann kassa af "Karelian Piirakka" sem að er uhmm matur. Ég held að það sé ekki til íslenskt orð yfir Piirakka, en Karelia var hluti af Finnlandi sem að rússarnir réðust inn á tvisvar og náðu á endanum yfirráðum yfir. Amma hans Eeros er þaðan og bjó þar þegar að hún var lítil. En hún og fjölskyldan hennar þurftu að flýja tvisvar í burtu með rússana skjótandi á þau (bókstaflega) flest komust þau af lifandi með því að hlaupa og fela sig í skóginum, en að minnsta kosti ein nágrannakona þeirra varð fyrir skoti, beint fyrir framan þau og hún dó.

Alveg hrikalegt.

Ég ætla að taka mynd af þessum "piir"ö"kkum" þegar að batteríið í myndavélinni er hlaðið.

En Idol er að byrja! Hörkuspennandi!

Kveðja

Þórunn

X og Y fara á veitingastað og fá sér 2 kebab. Kebabin eru alveg jafnstór.

X gleypir sinn kebab í sig á ofur hraða

Y borðar hægt og rólega með gaffli og hníf.

X er búinn með sinn þegar að Y er varla hálfnaður.

X þarf að bíða lengi

X segir: "Ég vann"

Y segir: "vannst hvað"?

X segir: "Ég borðaði minn kebab miklu hraðar en þú, þannig að ég vann"

Y segir: "Já en ég borða hægt og það er heilsusamlegra. Svo nýt ég líka matarins lengur ef ég er lengi að borða"

X segir: ...................!

................................................

"Ég vann samt!....." 

Mamma mín á afmæli í dag!!! Á myndinni eru hún, pabbi og Iðunn að fagna.

TIL HAMINGJU MEÐ AFMÆLIÐ MAMMA!!!

Rússar eru alveg ótrúlegir, ef their akveda eitthvad tha er thad bara thannig og ekki haegt ad breyta thvi.

A bokasafninu i gaer var fullt af folki og ekki morg saeti laus, 2 russar toku sig til og gafust ekki upp fyrr en ad their fundu saeti fyrir mig og endudu a ad troda mer einhverstadar eina fyrir midju thar sem ad var eitt laust saeti, thratt fyrir ad eg motmaelti hardlega og sagdist alveg geta stadid. En their komu sko bara a bokasafnid og laumudust svo ut, en their voru alveg handvissir um thad ad mig langadi til ad sja syninguna og thyrfti thess vegna ad hafa saeti.

I dag var eg eitthvad ad vafra um gangana i skolanum og labbadi fram hja thar sem ad their sitja og drekka kaffi. their heimtudu ad eg myndi setjast hja theim, eg gerdi thad a endanum en nei, thad var ekki nog, eg vard ad gjörasvo vel ad thyggja Kiwi hja einni konunni og te hjá annarri, einn russakallinn for meira ad segja og threif einhvern auka bolla inn a klosetti svo ad eg gaeti fengid te og kex. Eg reyndi margoft ad malda i moinn og segja ad eg vaeri ekki svong og eg thyrfti ekkert te. En thad var bara ekki um annad ad raeda. Eg skildi setjast nidur og drekka te og borda kiwi med theim.

Soldid skrytnir.

Nyjasti "vinur" minn er fra Sudan og hann er allur af vilja gerdur til ad gera allt i heiminum fyrir mig.... Eg veit ekki alveg hvad eg a ad gera. Kannski eg fari og hitti hann um helgina. Eg er samt svo svakalega tortryggin og ad fara ad hanga med 50 ara gömlum manni ut um allt hljomar frekar exotic fyrir minn smekk. En hann er eiginlega of nice, nuna rett i thessu baudst hann til ad lana mer bara hjolid sitt thvi ad hann aetti bil. Og hann veit lika ad eg er MJÖG oft ein, thekkir thaer adstaedur af eigin reynslu, enda sjalfur utlendingur i Finnlandi eins og eg.

Hann sagdi vid mig ad hvenaer sem eg vildi tha gaeti eg alltaf hringt i hann og vid gert eitthvad. Hann aetlar lika ad lana mer geisladiska med afriskri tonlist til ad hlusta a.

En meira seinna, kennarinn kominn

Fjandinn hafi það!!!

Ískápurinn minn lyktar eins og tvær rollur.

Ein lifandi sem er búin að skíta út um allt

Önnur dauð sem er búið að verka og reykja.

Já ég keypti nefnilega reykt lambakjöt af einhverjum skítugum bónda á markaðinum sem var á torginu í byrjun mánaðarins.

Rétt áðan opnaði ég ískápinn og sá eitthvað mjög svo dautt þar inni og fattaði að ég hafði steingleymt þessu og Eero sennilega skilið pokann eftir opinn nýlega.

Djöfulsins fýla. Fjárhús+Reykkofi allt í einum ísskáp! Og ekki er nú verra að nágrannar mínir hafa tekið upp á því að reykja inn í húsinu upp við loftræstikerfið og eldhúsið angar af reykingalykt þegar að þeir fá sér eina rettu.

BLARHGH.

Bendi á að það er ný færsla hérna beint fyrir neðan. Það mun enginn sleppa við að kommenta eða ég sendi leðurblökurnar á ykkur!!!

Í dag er dagur rasisma.... hahaha eða eitthvað álíka, rasisti var bara eina orðið sem ég skildi af því sem að kennarinn sagði í dag. Sennilega einhver anti-rasismi. Það var uppákoma í bókasafninu í Lahti í dag, allskonar þjóðir komu saman og sýndu dansa og söngva og þjóðbúninga og fleira.

Kennarinn spurði í morgun hvort að við vildum fara, ég var ekki alveg 100% með á nótunum hvað væri að gerast nákvæmlega en allir rússarnir fóru bara að rífast á rússnesku og ekkert varð úr niðurstöðu.

Fyrr en að þeir fóru allir út í hléinu, þá tók ég málið í mínar hendur og spurði alla sem voru ekki rússneskir hvort að þeir vildu ekki fara og það voru allir til í það. Svo kom kennarinn aftur og upphófst aftur rifrildi á rússnesku og mikill hávaði en það endaði með því að bekkurinn vann, 14 á móti 1 og 1/2. Því miður var þessi eina sem vildi ekki fara hávaðastasama kellingin í bekknum og stóð bara á öskrinu nánast um að hún vildi ekki fara og á tímabili leit út fyrir að við þyrftum að sitja í 3 klukkutíma og læra í staðinn fyrir að fara á svona fjölþjóðlega sýningu útaf einni helvítis blaðurkellingu.

Sem betur fer gerðist það ekki og sáttmálinn var sá að allir færu nema hún, en hún fengi fullt af heimavinnu sem hún yrði að skila á morgun.

Þetta var rosa fín sýning, í einu dansatriðunum var eldra finnskt fólk að sýna finnsku þjóðdansana, 5 konur og 1 kall og í miðju atriðinu varð kallinn ekki sáttur við eitthvað og fór bara að rífast við allar kellingarnar á sviðinu og ýta þeim og draga þær hingað og þangað. Ég reyndi eins og ég gat að hlæja ekki of mikið.

Ég var með myndavélina mína en allar myndirnar eru rosalega dimmar og asnalegar en ætli ég setji þær ekki samt inn.

Annars er það helst í fréttum hjá mér að í Febrúar sótti ég um að fara í Háskóla hérna í Lahti. En það er eitthvað voða strangt og ég var hálf hrædd um að hafa ekki gert umsóknina rétt eða að ég væri með nógu og góðar einkunnir til að komast inn.

En í dag fékk ég bréf frá þeim og ég var allavega valin úr hópi fólks til að koma og taka inntökupróf í skólann í Maí. Ég er nú nokkuð viss um að ég eigi eftir að klúðra inntökuprófinu samt því að ég hef ekki verið í "alvöru" skóla í langann tíma og kann ekkert í stærðfræði, málfræði, viðskiptafræði eða hagfræði.

Fyrir utan það svo að það er hvergi tekið fram og hvergi hægt að fá að vita hvað það er sem að kemur á inntökuprófinu. Þannig að ég hef ekki græna glóru um hvað ég eigi að reyna að læra fyrir það.

Þetta kemur bara allt í ljós, ég hef ekkert ROSALEGA mikinn áhuga á þessu sem að ég sótti um.... En það er svosem betra en ekkert. En fögin sem að ég sótti um voru:

International Buissnes

Buissnes Information technology.

Eða Alþjóðleg Viðskiptafræði og Viðskipta Upplýsinga Tæknifræði (haha) held ég að ég gæti þýtt yfir á íslensku.

En ég verð bara að hafa áhyggjur af þessu seinna. Ég þarf að fara að skoða mig um í íbúðinni og finna út hvernig ég get gert hana páskalega þegar að kemur að því!

Þórunn

Ps. Iðunn ef þú hefur heyrt Sunrise Avenue, þá er það finnsk hljómsveit. Svoldið svona MTVpopp samt. Ef að þú ert með netið einhverstaðar á fartölvunni þinni þá skaltu downloada LimeWire, ótrúlega auðvelt að leita að lögum þar og tekur enga stund að hlaða þau niður.